Back Kopiereg Afrikaans Urheberrecht ALS Bōcera riht ANG حقوق التأليف والنشر Arabic কপিৰাইট Assamese Derechos d'autor AST Müəlliflik hüququ Azerbaijani Urheberrecht BAR Аўтарскае права Byelorussian Аўтарскае права BE-X-OLD
O dreito d'autor ye un conchunto de normas churidicas y prencipios que afirman os dreitos morals y patrimonials que a lei concede a los autors (os dreitos d'autor), por o solo feito d'a creyación d'una obra literaria, artistica, musical, cientifica u didactica, sía publicada u inedita.
A lechislación sobre dreitos d'autor en Occident s'encieta en 1710 con o Estatuto d'a Reina Ana en o Reino Uniu. Ye reconoixiu como un d'os dreitos humans fundamentals en a Declaración Universal d'os Dreitos Humans.
En o dreito anglosaxón s'utiliza a noción de copyright (traduciu literalment como "dreito de copia") que —por lo cheneral— comprende a parte patrimonial d'os dreitos d'autor (dreitos patrimonials).
Una obra pasa a lo dominio publico cuan os dreitos patrimonials han expirau. Isto succede habitualment trascurriu un plazo dende la muerte de l'autor (post mortem auctoris). O plazo minimo, a ran mundial, ye de 50 anyos y ye establiu en o Convenio de Berna. Muitos países han extendiu ixe plazo amplament. Por eixemplo, en o Dreito europeu, son 70 anyos dende la muerte de l'autor. Una vegada pasau ixe tiempo, dita obra alavez puet estar utilizada en forma libre, respectando los dreitos morals.